28 Mawrth 2008
Mae ysgolion, gwirfoddolwyr a naturiaethwyr yn Nyffryn Dyfi yn dathlu’r llwyddiannau a gyflawnwyd dros y Gaeaf gyda chymorth menter Biosffer Dyfi.
Dyrannwyd £20,000 gan Adran Amgylchedd, Cynaladwyedd a Thai Llywodraeth Cynulliad Cymru tuag at weithgareddau sy’n berthnasol i naill ai gadwraeth natur neu newid yn yr hinsawdd.
Cymeradwywyd 28 o geisiadau, er na ddigwyddodd un o’r rhain yn y diwedd.
Dyma rai enghreifftiau o brosiectau a gwblhawyd:
Comisiynwyd adroddiad ynni gan Glwb Golff Machynlleth ac fe insiwleiddiwyd y clwb er mwyn lleihau gwastraff ynni. Defnyddiodd y clwb gyllid Llywodraeth y DG ac Ewropeaidd i osod system gynhesu dŵr solar yn ogystal - gan leihau ei gyfraniad tuag at newid pellach yn yr hinsawdd.
Bu Cylch Meithrin Corris, Meithrinfa Blant Machynlleth, Ysgol Machynlleth ac Ysgol Pennal yn creu gerddi neu ardaloedd bywyd gwyllt y tu allan er mwyn gwarchod natur, hybu bywyd gwyllt a chynyddu bioamrywiaeth, gan gynnal gweithgareddau addysgiadol sydd yn codi ymwybyddiaeth gyda’r plant
Bu rhai o’r prosiectau yn gyfrifol am blannu gwrychoedd o rywogaethau brodorol i ddenu a chysgodi bywyd gwyllt, a bu rhai’n gosod blychau nythu ac yn ymdrin â chynefinoedd eraill. Cyfrannodd un grant tuag at gychwyn Y Grŵp Gwirfoddolwyr Natur a Chadwraeth, sydd yn bwriadu bod yn weithgar trwy ardal Biosffer Dyfi.
Mae mwy o fanylion ar gael ar http://www.biosfferdyfi.org.uk/start/small-grants/
© 2007 Dyfi Biosphere